రాయచోటి తాలూకాలో దూదేకుల సంక్షేమ సంఘం మరియు దూదేకుల ఎంప్లాయిస్ అసోసియేషన్ ఆధ్వర్యంలో ఈరోజు ఘన సన్మాన కార్యక్రమం నిర్వహించబడింది. నూతనంగా ఉద్యోగాలలో ప్రవేశిస్తున్న గ్రూప్–1, గ్రూప్–2 అభ్యర్థులు, అలాగే 2025 సంవత్సరంలో డీఎస్సీ ద్వారా ఉపాధ్యాయులుగా ఎన్నికైన వారు మరియు రాజకీయ పదవులు పొందిన వారిని ఈ సందర్భంగా సత్కరించారు.

ఈ సమావేశానికి విశిష్ట అతిథులుగా గౌరవ నాగూర్ వలి గారు (మదనపల్లె ఆర్టీసీ డిపో గౌరవ అధ్యక్షులు), నూర్ భాషా గారు (కార్పొరేషన్ డైరెక్టర్), నాగూరు వీరభద్ర గారు, చిన్న వీరభద్రుడు గారు హాజరై సన్మాన గ్రహీతలకు అభినందనలు తెలిపారు. తమ కృషి, పట్టుదలతో సాధించిన విజయాలు యువతకు ఆదర్శంగా నిలుస్తాయని వారు పేర్కొన్నారు.

సన్మాన గ్రహీతలలో ముస్తఫా గారు, మనసూర్ గారు, సాయి లీల గారు, పాలగిరి షర్మిల గారు తదితరులు ఉండగా, ఇంకా పలువురు ఉపాధ్యాయులు సత్కారం అందుకున్నారు. కార్యక్రమంలో మదనపల్లి, కడప, రాజంపేట ప్రాంతాల నుంచి కార్యకర్తలు పెద్ద సంఖ్యలో పాల్గొన్నారు.

ఈ కార్యక్రమానికి మహిళా అధ్యక్షురాలు రెడ్డి బూ గారు, జిల్లా కార్యదర్శి రహిమాన్ గారు ప్రత్యేకంగా హాజరై కార్యక్రమాన్ని విజయవంతం చేయడంలో కీలక పాత్ర పోషించారు. సమావేశానికి అధ్యక్షత వహించిన పగిడిపల్లి పక్కీర్ సాహెబ్ గారికి సంఘ నాయకులు, సభ్యులు ధన్యవాదాలు తెలిపారు.

ఈ సన్మాన కార్యక్రమం దూదేకుల సమాజంలో విద్యా, ఉద్యోగ, సామాజిక రంగాల్లో ఎదుగుదలకు ప్రోత్సాహాన్నిచ్చేలా నిలిచింది.